आज आपण नांदेड जिल्ह्यातील जमीन विषयक महत्त्वाचा दस्तऐवज म्हणजेच सातबारा हा डिजिटल पद्धतीने ऑनलाइन कसा डाऊनलोड करायचा त्याचबरोबर सातबारा मोफत कशा पद्धतीने पहायचा याबद्दल माहिती पाहूया. जुने सातबारा व फेरफार कसे डाउनलोड करायचे त्याच बरोबर फक्त पहायचे असतील तर ते कशा पद्धतीने पाहायचे याविषयी आपण या लेखांमध्ये अगदी सविस्तर सातबारा विषयीची संपूर्ण माहिती पाहणार आहोत. शेतीविषयक महत्त्वाची कागदपत्रे महाराष्ट्र सरकार कडून डिजिटल स्वरूपात नागरिकांना मिळावी यासाठी खूप मोठे पाऊल टाकण्यात आले आहे. यामध्ये नांदेड जिल्हा ही डिजिटलकरणात मागे राहिलेला नाही.
नांदेड जिल्ह्यातील जमीन महसूल नोंदींचे डिजिटल स्वरूप म्हणजे डिजिटल सातबारा होय. यामध्ये जमिनीचा मालक कोण?, जमिनीचे क्षेत्रफळ किती?, त्या जमिनीवर कोणकोणती पिके घेतली जातात? ही सर्व माहिती संग्रहित स्वरूपात या डिजिटल सातबारावर असते. या डिजिटल नोंदीमुळेच जमीन खरेदी विक्री, हस्तांतरण प्रक्रिया अधिक पारदर्शक आणि जलद झाली आहे.
डिजिटल सातबारा चे महत्व
डिजिटल स्वरूपातील सातबारा हे शासनाच्या अधिकृत संकेतस्थळावर उपलब्ध होत असल्यामुळे ते अधिक सुरक्षित असतात कारण यांच्या नोंदी ह्या डिजिटल स्वरूपात असल्याने कागदपत्रांच्या चोरींची शक्यता जवळपास नसतेच. डिजिटल स्वरूपात जमिनीची सर्व माहिती एकाच ठिकाणी उपलब्ध असल्यामुळे कोणताही गैरव्यवहार यामध्ये होत नाही. डिजिटल सातबारा मुळे नागरिकांना शासकीय कार्यालयाच्या ज्या चकरा माराव्या लागत होत्या त्या यामुळे बंद झाल्या आहेत. नागरिकांना घरबसल्या जमिनीची सर्व माहिती मिळवता या डिजिटल सातबारा मुळे शक्य झाले आहे.
नांदेड जिल्हा डिजिटल सातबारा
नांदेड जिल्हा डिजिटल सातबारा कसा डाऊनलोड करायचा?
नांदेड जिल्ह्यातील कोणत्याही शेत जमिनीचा सातबारा आपणास डाऊनलोड करता येतो. याविषयीची स्टेप बाय स्टेप माहिती आपण खाली उपलब्ध करून दिली आहे. या माहितीच्या आधारे तुम्हाला नांदेड जिल्ह्यातील कोणत्याही जमिनीचा सातबारा डिजिटल स्वरूपात त्याचबरोबर डिजिटल स्वाक्षरीसह आपण डाऊनलोड करून घेऊ शकता.
- डिजिटल स्वरूपात सातबारा डाऊनलोड करण्यासाठी सर्वप्रथम आपणाला महसूल विभागाच्या या वेबसाईटला भेट द्यावी लागेल.👇 https://digitalsatbara.mahabhumi.gov.in
- त्यानंतर तुम्हाला जिल्हा निवडावा लागेल. (जिल्हा निवडा नांदेड )
- त्यानंतर नांदेड जिल्ह्यातील तालुका निवडावा लागेल.
- त्यानंतर गाव निवडावे लागेल.
- त्यानंतर तुम्हाला कोणत्या शेत जमिनीचा सातबारा डाऊनलोड करायचा आहे तो सातबारा नंबर टाकावा लागेल.
- त्यानंतर तुम्हाला सर्वे क्रमांक टाकावा लागेल. (माहित असेल तर)
- त्यानंतर सर्च या बटनावर क्लिक केल्यानंतर तुम्हाला ज्या शेत जमिनीचा सातबारा डाउनलोड करायचा आहे तर तुमच्या स्क्रीनवर दिसेल.
- त्यानंतर तुम्ही तो सातबारा pdf स्वरूपात डाउनलोड करून घेऊ शकता.
- तुम्हाला सातबारा हा डिजिटल सही सह हवा असेल तर तुम्ही १५ रुपये इतके नाममात्र शुल्क ऑनलाईन पद्धतीने भरणे आवश्यक आहे.
वरील माहितीचा आधार घेऊन तुम्ही नांदेड जिल्ह्यातील कोणत्याही शेत जमिनीचा किंवा तुमच्या स्वतःच्या शेत जमिनीचा सातबारा डिजिटल स्वाक्षरीसह डाऊनलोड करून घेऊ शकता. यासाठी तुमच्याकडे तुमचा वैध ई-मेल त्याचबरोबर मोबाईल नंबर असणे आवश्यक आहे. डिजिटल स्वरूपातील सातबारा हे मराठी व इंग्रजी या दोन्ही भाषेमध्ये उपलब्ध आहेत.
नांदेड जिल्हा मोफत सातबारा
नांदेड जिल्ह्यातील डिजिटल सातबारा हा मोफत कसा पाहायचा?
नांदेड जिल्ह्यातील सर्व जमिनींची माहिती संगणकावर एकत्रित केलेली आहे. या माहितीमध्ये जमिनीचा मालक, जमिनीचे क्षेत्रफळ, त्याचबरोबर जमिनीचा वापर कशासाठी केला जातो ही सर्व माहिती अगदी विस्तृत स्वरूपात असते. या विस्तृत स्वरूपातील माहितीलाच डिजिटल सातबारा असे संबोधले जाते. तर हाच डिजिटल सातबारा आपण मोफत कसा पाहायचा याविषयी स्टेप बाय स्टेप माहिती पाहू.
- सर्वप्रथम आपणाला महाभुलेख विभागाच्या संकेतस्थळाला भेट द्यावी लागेल.👇 https://bhulekh.mahabhumi.gov.in
- यानंतर तुम्हाला आपला विभाग छत्रपती संभाजीनगर निवडायचा आहे
- त्यानंतर जिल्हा निवडा. (नांदेड जिल्हा)
- त्यानंतर तालुका निवडा.
- त्यानंतर तुमचे गाव निवडा.
- त्यानंतर ज्या जमिनीचा सातबारा पहायचा आहे तो सातबारा नंबर टाका.
- नंतर तुम्हाला सर्वे नंबर टाकावा लागेल.
- सर्वात शेवटी सर्च या बटनावर क्लिक करून तुम्हाला नांदेड जिल्ह्यातील ज्या शेत जमिनीचा सातबारा पाहायचा आहे तो सातबारा तुमच्या स्क्रीनवर तुम्हाला दिसेल. तेथे तुम्ही मोफत स्वरूपात सातबारा पाहू शकाल.
वरील माहितीच्या आधारे तुम्ही नांदेड जिल्ह्यातील कोणत्याही जमिनीचा सातबारा हा अगदी मोफत स्वरूपात पाहू शकाल. हा सातबारा शासनाच्या अधिकृत संकेतस्थळावर उपलब्ध असल्यामुळे तुम्हाला तो डिजिटल स्वरूपात मोफत पाहता येतो.
नांदेड जिल्हा जुने सातबारा व फेरफार
नांदेड जिल्ह्यातील जुने सातबारा उतारकर कसे पाहायचे किंवा डाउनलोड करायचे?
जुना सातबारा म्हणजे कागदावर लिहिलेला जमिनीचा नकाशा आणि त्यावरची जमीन संदर्भातील संपूर्ण माहिती होय. तर फेरफार म्हणजे जमिनीच्या मालकीत किंवा जमिनीच्या वापरात होणारा बदल होय. नांदेड जिल्ह्यातील जुने सातबारा व फेरफार आपणास खालील स्टेप बाय स्टेप माहिती द्वारे डाउनलोड किंवा हे दस्तऐवज आपणास पाहता येतात.
- जुनी सातबारा व फेरफार पाहण्यासाठी किंवा डाऊनलोड करण्यासाठी आपणाला भूमी अभिलेख विभागाच्या या संकेतस्थळाला भेट द्यावी लागेल.👇 https://aapleabhilekh.mahabhumi.gov.in
- संकेतस्थळाला भेट दिल्यानंतर यावर तुम्हाला नोंदणी करावी लागेल.
- नोंदणी करण्यासाठी लागणारी आवश्यक संपूर्ण माहिती भरावी लागेल. माहितीमध्ये तुमचे संपूर्ण नाव, तुमचा संपूर्ण पत्ता, बरोबर तुमचा मोबाईल नंबर ही माहिती खूपच आवश्यक आहे.
- नोंदणी करून झाल्यानंतर तुम्हाला नांदेड जिल्ह्यातील ज्या जमिनीची जुने दस्तऐवज पाहायच्या आहेत किंवा डाउनलोड करायचे आहेत त्या जमिनीचा सर्वे नंबर, गावाचे नाव, आणि तालुका ही माहिती भरायची आहे.
- जमिनीच्या संबंधित माहिती भरल्यानंतर त्या जमिनीचे जुने सातबारा व फेरफार तुमच्या स्क्रीनवर दिसतील.
- या ठिकाणी जर तुम्हाला हे दस्तऐवज डाउनलोड स्वरूपात घेणार असाल तर डाऊनलोड या बटणावर क्लिक करून pdf स्वरूपात ही कागदपत्रे डाऊनलोड करून घेऊ शकता व प्रिंट ही काढून घेऊ शकता.
वरील माहितीच्या आधारे तुम्ही बीड जिल्ह्यातील कोणतेही जुने सातबारा व फेरफार पाहू शकता किंवा डाऊनलोड करू शकता. डाउनलोड करण्यासाठी तुम्हाला नाममात्र शुल्क मोजावे लागते. जुने सातबारा व फेरफार या विषयात कायदेशीर बाबी या खूपच गुंतागुंतीच्या असू शकतात. त्यामुळे यामध्ये कायद्याच्या जाणकार व्यक्तीचा सल्ला घेणे खूपच आवश्यक आहे. या कायदेशीर समस्या म्हणजे काही वेळा नकाशामध्ये बदल असू शकतात,त्याचबरोबर दस्तऐवजांची कमतरता ही असू शकते. काही ठिकाणी तर जमिनीच्या मालकीबाबतचे विवाद देखील असू शकतात. त्यामुळे अशावेळी कायद्याच्या जाणकार व्यक्तींचा सल्ला घेणे खूपच आवश्यक असते.